Tal pơplông hơnia kơphê Việt Nam-Thun 2025, arăng amra tŭ mă hră pơ-ar nao pơplông truh abih lơ 10/2/2025. Tal pơplông amra pơphun amăng lơ 10/3/2025, lăi pơthâo kơ boh than ba glăi hăng jao pri amăng lơ 13/3/2025, ƀrô hrơi jơnum ngui kơphê Buôn Ma Thuột tal 9. Hăng ƀing mơnuih nao pơplông lĕ mơnuih ƀôn sang Việt Nam mơng 18 thun pơ glông, glăk dŏ hơdip hăng mă bruă amăng dêh čar Việt Nam.

Ƀing mơnuih nao pơplông amra găn rơgao hơdôm boh tơhnal pơplông hơmâo: tŭ mă asar kơphê kiăng kơ hơnia; ĕp lăng măi hơnia kơphê; pơƀuh bruă hơnia hăng čih glăi ia ƀâo mơnâo mơng asar kơphê; pơphun hơnia …Ơi Trịnh Đức minh-Khua khul kơphê Buôn Ma Thuột brơi thâo, tơring čar Dak Lak glăk gir run pơđĭ kyar Buôn Ma Thuột jing plơi prong kơphê jar kmar, hrŏm hăng anun pơsit tong kơ kual pla pơjing, kơphê pơhrui hiam hơdjă, ia ƀâo mơnâo mơng kơphê tơdơi kơ uă pơkra kiăng đing nao biă mă.