Pô mă tơlơi pơhing Đình Tuấn ƀơi kual Dap kơdư, hơmâo mông bơră ruai hăng ơi Vũ Đức Côn, Kơ-iăng khua gơnong bruă ngă hmua hăng pơđĭ kyar ƀon lan, Khua khul sầu riêng tơring čar Dak Lak kơ tơlơi anai, hrŏm hăng hơdôm hơdră pơsir hĭ mơng tơring čar.

- Ơ ơi Vũ Đức Côn, Kơ-iăng khua gơnong bruă ngă hmua hăng pơđĭ kyar ƀon lan, Khua khul sầu riêng Dak Lak, truh ră anai tơring čar Dak lak hơmâo pơđut hĭ laih bơyan pĕ pơhrui sầu riêng 2023, ih dưi lăi pơthâo mơn kơ tơlơi pơđŏm glăi yôm mơng bơyan pĕ pơhrui anai hiưm ñu ?

- Ơi Vũ Đức Côn: Tơlơi pơđŏm glăi blung hlâo lĕ đang pla dưi pĕ pơhrui đĭ 3.000 ektar. Nua sĭ mơdrô ăt đĭ na nao hăng sầu riêng pĕ pơhrui rơgao 200 rơbâo tơ̆n. Dua dong lĕ mơnuih pla sầu riêng pơhrui glăi hơmâo hmăi, anai lĕ tơlơi dưi prong biă mă, hlâo anun ăt aka ƀu pơmĭn nao lơi”.

- Tui ih hơmâo lăi nao, thun anai mơnuih ngă hmua pơhrui lu biă mă, samơ̆ hơdôm anom bơwih ƀong sĭ mơdrô bưp tơnap tap. Tui ih pơmĭn, tơlơi anai yua mơng hơpă ñu?

- Ơi Vũ Đức Côn: Anai lĕ yua đĭ nua kơtang, tơlơi anai ba truh kơ bruă bơrơsua mơng blơi pơhrui truh pơ sĭ mơdrô…Laih dong yua gir run blơi lu hloh, tơlơi ngă kơ lu anom bơwih ƀong sĭ mơdrô pơtrut đĭ nua kơtang. Dua dong lĕ lu mơnuih luh nao pok anih blơi pơhrui, sĭ mơdrô pơ tač rơngiao aka ƀu thâo tong ten tơlơi pơhing kah hăng dŏ aka sa, dua mơta tơlơi.

- Dơnun, lơm ƀuh lu tơlơi gêh gal hăng tơnap tap tui anun, amăng hơdôm thun blung a mă bruă, khul sầu riêng Dak Lak hơmâo tơlơi črâo ba hiưm pă kơ bruă anai ?

- Ơi Vũ Đức Côn: Khul phrâo akŏ pơjing mơng blan 3 thun 2023 truh ră anai, tơdơi anun ăt pok pơhai sa, dua bruă hăng ăt hơmâo tơlơi črâo ba yôm phăn brơi kơ gơnam sĭ mơdrô anai. Ƀing gơmơi ăt lĕ khul hơmâo pơphun jơnum pơbưp nao rai hăng anom bruă blơi pơhrui, pơkra pơjing hrŏm hăng mơnuih pla sầu riêng; hrŏm hăng anun dong anom bruă wai lăng, anom bruă bơdjơ̆ nao. Ƀing gơmơi ăt hơmâo lu tơlơi pơhing djop mơta kơ bruă sĭ mơdrô gơnam, ba tơbiă hơdôm tơlơi him lăng hlâo kơ anŏ kiăng, tơlơi gêh gal, tơnap tap hăng bruă sĭ mơdrô sầu riêng ƀơi Dak Lak.

- Ih dưi lăi pơthâo hlâo mơn kơ bơyan pĕ pơhrui sầu riêng Dak Lak thun 2024 ? Sa, dua boh anom bơwih ƀong sĭ mơdrô brơi thâo, dŏ hơdôm thun đôč sầu riêng Dak Lak amra pĕ pơhrui truh ha mơkrah klăk tơ̆n, hăng kơnong amăng rơbêh 2 blan, Dak Lak amra pơhlôm brơi hiưm pă, ơ ơi ?

- Ơi Vũ Đức Côn: Dak Lak lĕ tơring čar pla sầu riêng tañ, lu hloh amăng hơdôm boh tơring čar pla boh sầu riêng. Samơ̆ bruă pla lu đơi ƀơi Dak Lak aka ƀu bơbeč nao bruă pla pơjing lu đơ đam dêh čar lăi phara hăng hơdôm boh dêh čar pla sầu riêng hnun mơn. Tơlơi anai ăt bơbeč nao samơ̆ kâo pơmĭn aka ƀu bơbeč sat yua gah dêh čar Khač ăt glăk kiăng lu biă mă. Laih dong, ƀing ta glăk anăp nao pơđĭ kyar hơmâo lu dong anih blơi mut”.

- Kơ bruă pơphun pla pơjing, sit biă ñu lĕ anih anom logistics ƀơi Dak Lak, him lăng amra pĕ pơhrui lu tui hă ƀŭ ?

- Ơi Vũ Đức Côn: Djơ̆ laih, anai lĕ tơlơi ngă bơngŏt hloh. Sầu riêng Dak Lak phrâo pơđĭ kyar 5, 6 thun giăma anai. Bruă pơlir hơbit kơplah wah mwonuih pla aka ƀu kjăp, laih dong kơplah wah mơnuih pla hăng anom bruă sĭ mơdrô, pơkra pơjing aka ƀu kjăp lơi. Ha bơnah dong lĕ hơdôm anih pơkra gơnam aka ƀu pơđĭ kyar. Sui mơng anai giăm 2 thun, tơring čar hơmâo ƀuh sầu riêng lĕ gơnam sĭ mơdrô yôm phăn amăng tơring čar, Ping gah, Jơnum min ăt git gai gơnong bruă ngă hmua hăng pơđĭ kyar ƀon lan pơjing sa akŏ bruă pơđĭ kyar phun mơng jơlan hơdră anai, tal sa lĕ lăng glăi bruă pla pơjing mơng bruă ruah pơjeh pla truh pơlir hơbit, tal tlâo dong lĕ pơtrut pơkra pơjing ba sĭ mơdrô hăng tal pă dong lĕ ngă tui klă tơlơi gơgrong mơng khul hăng anom bruă bơdjơ̆ nao hăng bruă pơhŭi hlâo, pơtrut pơsur tơdơi kơ rơkâo hơdôm anom bruă pơjing hơnong pơkă gơnam sĭ mơdrô kiăng wai lăng kjăp ƀiă dong.

- Ơ, bơni kơ ih hŏ