Tơring čar Kon Tum hăng Gia Lai pơđĭ tui bruă pơgang glai giăm guai
Thứ tư, 11:03, 03/04/2024
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Bruă koh drôm, blơi sĭ kyâo ča čot giăm guai dua boh tơring čar ăt aka ƀu pơsir đut tơhnal ôh. Anai jing tơlơi pơsit mơ̆ng Jơnum min mơnuih ƀôn sang tơring čar Kon Tum hăng Gia Lai ƀơi mông Jơnum pơtŏng glăi bruă ngă tui Tơlơi phiăn ngă hrŏm wai lăng, pơgang glai rưng hăng wai lăng kyâo ƀơi guai dua boh tơring čar hơmâo pơphun tlam lơ 2/4 ƀơi plơi prong Kon Tum, tơring čar Kon Tum.
Dua boh tơring čar Kon Tum hăng Gia Lai hơmâo guai hrŏm, hơmâo 9 boh tơring glông, plơi prong, glông rơbêh 183km. Guai dua boh tơring čar anai hơmâo lu đang glau hơđăp mơ̆ng đưm, hơmâo kyâo pơprong, lu hlô mơnŏng, kyâo pơtâo yơyôm amăng glai, yua hnun amuñ hơmâo arăng mut nao phă prai biă mă.
5 thun rơgao ngă tui tơlơi pơkôl ngă hrŏm, tơhan wai lăng glai dua boh tơring čar hơmâo pơphun rơbêh 1.300 wơ̆t hyu tir amăng glai; hơmâo ƀuh, ngă hră bơtơhmal hăng 275 bruă; amăng anun bơtơhmal hăng prăk 242 wơ̆t, ngă kơđi hình sự hăng 27 wơ̆t tơlơi soh, hăng giăm 16 ha glai rưng răm rai; pơhrui glăi rơbêh 815m3 kyâo djŏp mơta, 20kg mơnŏng hlô glai. Prăk pơhrui hơmâo mơ-it kơ kơnuk kơna rơbêh 2 klai 500 klăk prăk.
Viết bình luận