Mơnuih pla sầu riêng ƀơi tơring glông Krông Pač, anih anom pơphun jơnum ngui glăk hơmâo lu bruă mă sit nik anăp nao jơnum ngui. Neh met wa ƀu djơ̆ kơnong bơwih brơi klă hloh kiăng boh sầu riêng hiam hơdjă hloh đôč ôh mơ̆ ăt ba glăi kual đang hmua mơtah mơda, prap čơkă tuai čuă ngui nao ƀong boh sầu riêng soh sel.

Jơnum ngui sầu riêng Krông Pač hơmâo lu mông ngui ngor hơmâo Hrơi ngui gru grua djop djuai ania, Jơnum ngui rôk jơlan, Jơnumg ngui sang čơ sĭ boh troh, gơnam đang hmua hiam hơdjă, anih sĭ gơnam OCOP…Hluai tui jơnum ngui anai kiăng pơlir hơbit, lăi pơthâo tơlơi dưi, tơlơi gal tuh pơ alin ngă hmua, pơkra pơjing hăng plơi pơhrui sầu riêng hrŏm hăng pơđĭ kyar gru grua, tuai čuă ngui amăng ƀon lan.