![VOV Tây Nguyên/Siu H' Prăk pơblang](/themes/custom/vov_4/images/avatar.png)
“Việt Nam gơgrong hlâo laih hăng prăp lui klă tơlơi kiăng pioh djơ̆ tui Tơlơi pơkă bruă wai lăng blơi sĭ hơdôm gơnam hăng dêh čar tač rơngiao huăi ngă rơngiă glai klô hăng răm rai tui glai klô mơ̆ng Khul pơlir hơbit kual Mi Kô̆ (iâo klah čun Tơlơi pơkă pơgăn phă glai klô)”. Anai lĕ tơlơi pơsit mơ̆ng khua pơ ala kơ Grŭp Khul pơlir hơbit kual Mi Kô ƀơi Việt Nam amăng bơkơtuai “Lăi pơthâo hơdră mă yua bôh thâo kơ Tơlơi pơkă pơgăn phă glai hăng pơlir bruă ngă kiăng huăi phă glai, răm rai glai klô ƀơi Việt Nam” pơphun lơm lơ 12/7, ƀơi Dak Lak. Bruă bơkơtuai yua kơ Ding jum đang hmua hăng pơđĭ kyar ƀôn lan gum hrŏm hăng Grŭp pơlir hơbit kual Mi Kô̆ ƀơi Việt Nam pơphun.
![Anom bruă pla pơkra kơ su amra ngă tui hơdôm tơlơi pơkă sĭ kơ dêh čar tač rơngiao mơ̆ng EU](https://vov4-media.solidtech.vn/sites/default/files/styles/large/public/2024-07/13-7%20nganh%20hang%20cao%20su.jpg)
Anai lĕ sa amăng hơdôm bruă mă pơdah tơlơi gir run mơ̆ng Việt Nam amăng bruă anăp nao bruă ngă đang hmua, blơi yua mơtah kơjăp. Amăng mông bơkơtuai, khua pơ ala kơ Grŭp pơlir hơbit kual Mi Kô̆ ƀơi Việt Nam, hơdôm khul grŭp Gum hrŏm jar kơmar, hơdôm bôh anom gah ding jum, gơnong bruă dêh čar ta, khua mua 5 bôh tơring čar Dap Kơdư (Dak Lak, Lâm Đồng, Gia Lai, Dak Nông, Kon Tum) hrŏm hăng pô pơ ala kơ hơdôm khul sĭ mơdrô, hơdôm bôh anom bơwih ƀong kơphê, kơ su, hnal kyâo hăng gơnam mă mơ̆ng kyâo hmâo lăi pơthâo nao rai tơlơi pơhing kơ glông bruă ngă tui, hơdôm bruă mă hăng gơnam djru ngă tui tơlơi pơkă pơgăn phă glai klô hăng hơdôm bruă pơlir ngă hrŏm kiăng huăi phă klai, răm rai glai klô ƀơi Việt Nam./.
Viết bình luận