VOV4.Jarai-Mơguah lơ 20/10, ƀơi Hà Nội, Ding jum akŏ bruă hăng tuh pơ alin pơphun jơnum pok pơhai bruă mă dêh čar kơ bruă kơtưn mơtah mơda mơ̆ng thun 2021-2030, lăng nao truh pơ thun 2050. Nao jơnum hrom hơmâo khua mua pơ ala hơdôm ding jum, anom bruă, tơring čar, pơ ala kơ khua anih jưh pơ ala dêh čar tač rơngiao, lu anom bruă jar kmar, bơnah ngă hrom pơđĭ kyar, pơ ala kơ anom bruă sĭ mơdrô, ƀing mơnuih rơgơi kơhnâo thâo lu, kơsem min…

Bruă ngă phun kơtưn pơđĭ kyar mơtah mơda pơdah thâo pă mơta bruă yôm kah hăng: Pơhrŏ anŏ ngă sat kơ rơngit adai, pla kyâo pơtâo kiăng hơmâo anŏ mơtah mơda; rơgoh tui amăng bruă mă, tơlơi hơdip mơda dŏ dong ƀong huă hăng pơtrut blơi yua hơđong kjăp laih anun mơtah mơda pơblih phrâo. Biă mă ñu, tơhnal pơtrun brơi pơhrŏ hĭ anŏ ngă dơluh asăp sat rơngit adai gah ngŏ kơ GDP, djru ngă tui dua bruă pơgang ayuh hyiăng anih dŏ rah, hăng lir hơbit pơđĭ kyar hmar, hơđong kjăp.

Bruă mă phun, pơkă truh thun 2030, kơtưn ngă hrŏ anŏ dơluh đĭ ngă sat rơngit adai hloh kơ GDP hrŏ boh ƀiă ñu 15% pơkă hăng thun 2014. Ataih hloh kơ anun dơ̆ng, truh thun 2050, hnong dơluh đĭ asăp amăng rơngit adai hloh kơ GDP boh ƀiă ñu 30% pơkă hăng thun 2014.

Nay Jek: Pơblang