VOV4.Jarai - Čơtlăm lơ 17/8, tô̆ tui jơnum lok 2, Jơnum min apăn bruă Khua pơ ala mơnuih ƀôn sang dêh čar ta gum pơhiăp kơ tơlơi pơkă, tơhnal ba tơbiă hăng pơsit tơnoh bruă mă yua prăk ngăn drăp Kơnuk kơna thun 2022. Sa tơlơi dưi hmâo lu tơlơi gum pơhiăp bơkơtuai amăng mông jơnum lĕ hơdră prăk kak pha ra. Kơnuk kơna ba tơbiă, hơdôm bôh anom glăk ngă tui hơdră prăk, pơhrui prăk pha ra ƀơi sa dua bôh ƀirô amra dưi ngă tui dong amăng thun 2022 truh kơ ngă tui tơlơi pơplih prăk blan amăng lơ 1/7/2022.

Khua git gai wai lăng pơ ala mơnuih ƀôn sang Vương Đình Huệ

Jơnum min prăk kak ngăn drăp rơkâo Kơnuk kơna lăi pơblang rơđah hloh kiăng pơhlôm tơhnal ngă tui hăng djơ̆ kơplah wah tơhnal ba tơbiă ngă tui pơplih prăk blan hăng hơdôm bôh yôm čih tơlơi pơkă, tơhnal ba tơbiă, rơnoh pơkă prăk mă yua mơng tal hơđong ngăn drăp 2022-2025. Gah tơlơi anai, Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit, tơlơi pơtrun pơsit mơng Kơnuk kơna hmâo pơsit bruă pơplih prăk blan khom pơphun amăng lơ 1/7/2022, kiăo tui anun, abih bang hơdôm hơdră pơkă pha ra khom dưi lui hĭ./.

Siu H’ Prăk: Pô pơblang