VOV4.Jarai-Lơ 6/10, ƀơi tơring glông Čư̆ Mgar, tơring čar Dak Lak čih pioh hơmâo sa anih lu mơnuih ƀă klin covid 19 amăng kual plơi pla. Lu tơhan kơnuk kơna amăng kual plơi pla tañ mơtam nao uang dar anih ƀă klin. Tui hăng anun, mơguah lơ 6/10, laih pơkă lăng pơčrang kman ƀơi sang ia jrao prong Thiện Hạnh, anom bruă ia jrao hơmâo ƀuh mơnuih ƀă kman sars-cov-2.

Guang dar sang hră laih anun test hmar djop mơnuih hơmâo jĕ giăm

Anun lĕ L.T.L, dŏ pơ plơi Phú Thành, să Êa Drơ̆ng, tơring glông Čư̆ Mgar. Laih ĕp lăng pơčrang hơmâo ƀuh dơ̆ng 5 čô mơnuih ƀă kman sars-cov-2 lĕ ƀing sĭ mơdrô amăng sang čơ Čuôr Dăng hăng sa čô lĕ amôn ƀudah tơčô yă L. Lăp gleng nao biă mă, pô anet anai hlăk hrăm pơ sang hră gưl sa Phan Bội Châu, să Êa Drơ̆ng.

Amăng lơ 6/10 mơtam, djop tơhan kơnuk kơna djru hrom test hmar 200 čô mơnuih jĕ giăm hăng ƀing djơ̆ klin

Amăng tlam mơmŏt lơ 6/10 mơtam, tơhan kơnuk kơna hơmâo brơi guang dar anih ƀing djơ̆ kman anun dŏ hăng pơphun test hmar rơbêh 200 čô mơnuih jĕ giăm hăng ƀing ƀă kman. Mah adai hơjan prong biă mă samơ̆ ƀing tơhan djop anom bruă kơnuk kơna ăt ngă hrom tong ten guang dar sang hră gưl sa Phan Bội Châu pioh pơhlôm pơgang klin hŭi ƀă hyu lu.

Nay Jek: Pơblang