VOV4.Jarai - Tlam lơ 22/9, Jơnum min mơnuih ƀon sang plơi prong Buôn Ma Thuột (Dak Lăk) ngă hră mrô 4224 brơi hơdôm anih sĭ gơnam ƀong huă, ia mơñum, sang sĭ kơphê dưi ngă bruă glăi tui mơng hơđăp, pơphun mơng 12 mông mlăm jê̆ či mơguah lơ 23/9/2021. Tui anun, hơdôm sang sĭ mơdrô gơnam ƀong mơñum lơ̆m pok glăi khŏm kiăo tui tơlơi pơgang klin covid-19, kah hăng ƀu dưi brơi hơmâo rơgao 10 čô tuai ôh lơ̆m ha wơ̆t, sang sĭ mơdrô prong mơng 150 m2 dưi bơwih brơi lu hloh lĕ 20 čô đôč. Pô sang sĭ mơdrô khŏm brơi mơnuih pơkă ayuh, rao tơngan, kih rơmet, sot atur sang, gơnam yua amăng anih sĭ mơdrô kiăng agaih, uă rơgoh grê ding dŏ lơ̆m tuai tơbiă mơng sang. Ră anai, klin kheng ƀơi Buôn Ma Thuột dưi pơgang hĭ mơn, 6 anih hơmâo klin amăng plơi prong lĕ phường Thành Nhất, Tân Thành, Tân Hòa dưi pơgang laih, huăi hơmâo dong tah mơnuih ƀă kman amăng plơi pla, abih bang plơi prong hơmâo 7 boh phường, să rơgao 14 hrơi laih huăi hơmâo mơnuih ƀă klin, hăng 11 boh phường, să rơgao 7 hrơi laih huăi hơmâo mơnuih phrâo ƀă amăng plơi pla.

Siu H’Mai: Pơblang