VOV4.Jarai - “Plơi prong Buôn Ma Thuột khŏm pơplih tơlơi pơmin kiăng dưi ngă rơgao hnong pơkă mơng akŏ bruă hơmâo pơtrun”, anai lĕ tơlơi kiăng mơng Khua git gai Ping gah tơring čar Dăk Lăk ơi Nguyễn Thành Trung hăng Khua mua apăn bruă Ping gah plơi prong Buôn Ma Thuột kơ bruă ngă tui Tơlơi pơtrun 67 mơng Ding jum kơđi čar kơ akŏ pơjing hăng pơđĭ kyar plơi prong Buôn Ma Thuột truh thun 2030, anăp nao truh thun 2045, tơlơi pơtrun 103/2020 mơng Kơnuk kơna pơtrun Jơlan hơdră ngă bruă tui tơlơi tum pơƀut 67.

Anai lĕ thun blung a plơi prong Buôn Ma Thuột ngă tui Tơlơi pơtrun mơng Ping gah tơring čar rơwang thun 2021-2025, ngă tui tơlơi tum pơƀut 67/2019 mơng Ding jum kơđu čar kơ akŏ pơjing hăng pơđĭ kyar plơi prong Buôn Ma Thuột truh thun 2030, anăp nao thun 2045, Tơlơi pơtrun 103/2020 mơng kơnuk kơna pơtrun Jơlan hơdră ngă bruă tui tơlơi tum pơƀut 67 anăp nao pơđĭ kyar Buôn Ma Thuột jing plơi prong prong prong hloh kual Dap Kơdư.

Siu H’Mai: Pơblang