VOV4.Jarai - Hrơi anai (26/10), ƀing khua mua pơ ala mơnuih ƀon sang amra pơčrông sai kơ črăn tơlơi phiăn čih pơkra pơhrua dong sa, dua črăn tơlơi phiăn wai lăng anŏ pơčeh phrâo. Tui hăng ƀing khua mua: Anai lĕ akŏ bruă dơlăm, kiăng kơ lăp djơ̆ hăng tơlơi ƀuăn jar kmar mơ̆ Việt Nam lĕ ding kơna, pơhlôm ha amăng plĕ, tŭ ư hrŏm hăng hơdôm tơlơi phiăn bơdjơ̆ nao hơmâo Khua pơ ala mơnuih ƀon sang dêh čar pơtrun amăng thun blan laih rơgao. Amăng črăn tơlơi phiăn čih pơkra glăi, pơhrua tơlơi phiăn wai lăng anŏ pơčeh phrâo tal anai hơmâo pơkă: tơdah hơdôm tơlơi pơčeh phrâo yua amăng mă jua pơhiăp, pơdah rup kiăng kơ pơdah brơi arăng lăng mơng anun ba glăi prăk pơhrua, mơ̆ aka ƀu rơkâo mơnuih pơčeh rai hăng ăt khŏm duh prăk kơ pô pơčeh rai hlâo anun. Sa, dua čô khua mua brơi thâo črăn tơlơi phiăn čih pơkra phrâo kiăng kơ pơtrut tơlơi pơčeh phrâo, thâo mă yua boh thâo phrâo 4.0 hluai tui bruă kơtưn pel ĕp hăng ngă tui tơlơi dưi wai lăng anŏ pơčeh phrâo, djru brơi bruă anai jai hrơi sit nik hăng tơlơi pơkă jar kmar.

Siu Đoan: Pơblang