VOV4.Jarai - Amăng 2 hrơi lơ 30 hăng 31/8, čơđai hrăm anih 1 ƀơi tơring čar Dak Nông pơphun nao pơ sang hră amăng thun hrăm phrâo 2021-2022, dŏ pơataih nao rai kiăng pơhlôm, pơgang klin Covid-19. Ƀing čơđai hơmâo čơkă mơng bah amăng sang hră, rao tơngan hăng ia pơdjai mač kman laih anun pơkă hyuh drơi jăn hlâo či mut nao amăng sang hră. Abih bang amĭ ama ƀing čơđai, čơđai sang hră, nai pơtô, mơnuih mă bruă amăng sang hră lêng ngă tui tơlơi pơtô 5K.

Thun hrăm 2021-2022, tar ƀar tơring čar Dak Nông hơmâo rơbêh 182 rơbâo čô čơđai sang hră djŏp gưl. Amăng anun, hơmâo 38 rơbâo čô čơđai hrăm anih muai, rơbêh 72 rơbâo čô čơđai hrăm gưl sa, 48 rơbâo čô hrăm gưl 2, giăm 23 rơbâo čô čơđai hrăm gưl 3 laih anun năng ai 1 rơbâo čô čơdai hrăm ƀơi hơdôm boh sang hră pơtô hrăm rese giáo dục thường xuyên. Tơdơi kơ ƀing čơđai hrăm anih 1, mơng hrơi anai lơ 1/9, čơđai djŏp anih hrăm ƀơi Dak Nông amra nao sang hră amăng thun hrăm phrâo tui hơdră dŏ pơataih nao rai. Hơjăn anih muai ƀu pơphun nao jơnum thun hrăm phrâo ôh, kơnong čơkă čơđai nao hrăm tơdơi lơi 5/9 đôč.

Siu H’Mai: Pơblang