VOV4.Jarai - Ding jum pơtô hăng pơjuăt bruă hơmâo mă tơlơi pơhing sit nik mơng grup dêh čar Việt Nam nao pơplông Olympic Vật lý Châu Á - Thái Bình Dương (APhO) thun 2021. Tui anun, abih bang 8 čô čơđai mơng grup Việt Nam lêng hơmâo mă pri soh. Biă ñu, tal blung a Việt Nam hơmâo čơđai mă puang lu hloh amăng tal anai. 8 pri apah bơni mơng čơđai sang hră Việt Nam hơmâo 2 Miđai ia Mah, 1 Miđai ia prăk, 3 Miđai ia kông hăng 2 pok hră bơni. Miđai Mah hơmâo brơi kơ adơi Nguyễn Mạnh Quân, hrăm anih 12, Sang hră gưl 3 chuyên Hà Nội - Amsterdam, ƀon prong Hà Nội hăng adơi Trần Quang Vinh, hrăm anih 12, Sang hră gưl 3 chuyên Hà Nội- Amsterdem, Hà Nội. Adơi Bùi Thanh Tân, hrăm anih 12, Sang hră gưl 3 chuyên Phan Bội Châu, tơring čar Nghệ An hơmâo mă Miđai ia prăk.

Siu H’Mai: Pơblang