Buôn M’riu ră anai hmâo 300 bôh sang anô̆ hăng giăm truh 1400 čô mơnuih, biă ñu neh wa djuai ania ƀiă. Amăng hơdôm thun rơgao, Sang bruă apui lơtrik Dak Lak lăi pơthâo klă na nao, pơsur neh wa ngă klă hơdôm hơdră pơtrun, hơdră bruă mơ̆ng Ping gah, tơlơi phiăn mơ̆ng Kơnuk kơna; lăng yôm tơlơi kơđiăng ƀơi anăp tơlơi pơmin či pơsuh pran jua gum hrŏm hơbit abih bang djuai ania.

Djru neh wa plai ƀiă tơnap tap, Sang bruă tuh pơplai pơdŏng sang jơnum plơi pla, ring bruă juă glai buôn M’riu; lăng ba na nao čuă jơmư brơi gơnam tam kơ mơnuih ƀôn sang rim tal pơdơi lơphet, tết; blơi 13 drơi rơmô rông kơ hơdôm bôh sang anô̆ ƀun rin pioh pơđĭ kyar bơwih ƀong sang anô̆. Abih bang prăk apui Anom bruă apui lơptrik Dak Lak djru buôn M’riu amăng hơdôm hrơi rơgao lĕ rơbêh kơ 950 klăk prăk. Pơ̆ anăp anai, dua bơnah ba tơbiă 5 bôh yôm phun ngă adơi ayong pioh pơjing dong pran gum hrŏm hơbit, hruă kơjăp hăng djru mơnuih ƀôn sang pơđĭ kyar bơwih ƀong, pơhlôm rơnuk rơnua, bruă kơđi čar./.