Anih pơđao pran jua sang anô̆ Việt ba tơlơi kiăng khăp nao pơ̆ kual Tŏng Krah dêh čar – Dap Kơdư
Thứ hai, 10:02, 23/09/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Amăng 3 hrơi (20-22/9), ƀơi plơi prong Buôn Ma Thuột, tơring čar Dak Lak, 18 bôh sang anô̆ ƀing čơđai drit druai ƀơi hơdôm bôh tơring čar Dak Lak, Dak Nông, Gia Lai, Khánh Hòa gum hrŏm jơlan hơdră "Anih pơđao pran jua sang anô̆ Việt" hăng čơkă mă tơlơi gum djru prăk kak mơ̆ng hơdôm bôh anom gum hrŏm.
Anai lĕ tal 2 jơlan hơdră dưi ngă tui ƀơi Dap Kơdư. Jơlan hơdră "Anih pơđao pran jua sang anô̆ Việt” mơ̆ng sa jơlan hơdră pơdah rŭp bôh nik pioh kơ ƀing čơđai anet bơdjơ̆ nao yua kơ klin covid-19 ngă, truh ră anai pok prong dong anăp nao ƀing čơđai drit druai, kơƀah sa bôh sang anô̆ pơhlôm hmâo amĭ ama.
Gum hrŏm hăng jơlan hơdră, ƀing čơđai anet hăng sang anô̆ amra čơkă mă hơdôm mrô prăk hmâo nua pioh pơplih tơlơi hơdip mơda plai ƀiă tơnap hloh. Yap truh ră anai, jơlan hơdră hmâo djru laih rơbêh kơ 310 bôh sang anô̆ tơnap tap, hăng mrô prăk rơbêh kơ 15 klai prăk./.
Viết bình luận