VOV4.Jarai - Lơ 18/3, Anom bruă git gai Kơčăo bruă Ping gah kơ tơlơi đăo hơmâo ngă bruă hăng Khua mua apăn bruă ping gah ƀon prong Đà Nẵng kơ tơlơi đăo. Tui hăng tơlơi lăi pơthâo, hơdôm thun rơgao, ƀing khua, mơnuih djru bruă đăo, mơnuih tui tơlơi đăo ƀơi ƀon prong Đà Nẵng hơmâo nao hrŏm, dong yua ngă tui hơdôm jơlan hơdră pơđĭ kyar bơwih ƀong huă - mơnuih mơnam ƀon prong, ngă tui djơ̆ tơlơi pơmin “Hơdip klă, đăo hiam”. Biă ñu, ƀing khua đăo, mơnuih djru khua đăo, mơnuih tui tơlơi đăo gir ngă tom bruă pơgang klin kheng Covid-19; djru brơi hơdôm rơtuh klăk prăk kơ keh vaccine pơgang klin Covid-19; djru brơi lu gơnam yua gah ia jrao pơmă, lu tơn gơnam yua, gơnam ƀong huă kơ ƀing glăk pơgăn klin. Ƀing khua, mơnuih gum bruă đăo, mơnuih tui đăo ngă klă bruă djru ba mơnuih mơnam kah hăng djru pơkra, man pơdong sang phrâo kơ sang anŏ rin; brơi hơdôm rơbâo anung gơnam kơ hơdôm boh sang anŏ tơnap tap; ngă klă bruă pơhlôm hơđong kơjăp rơnuk rơnua jơlan nao rai.

Grup mă bruă mơng Anom bruă git gai Ping gah ngă bruă hăng ƀon prong Đà Nẵng

Siu H’Mai: Pơblang