VOV4.Jarai - Djru pơkra pơplih, pơplih phrâo jơlan hrĕ gah tlôn công tơ, dưm truă apui pơčrang rơđah hăng ƀơk gơnam tam hyu čuă jơmư hơdôm bôh sang anô̆ hmâo tơlơi hơdip tơnap ... lĕ hơdôm bruă mă sit nik mơ̆ Gơnong bruă apui lơtrik Dak Mil, tơring čar Daknông, anăp nao plơi pla.

Anom bruă apui lơtrik Dak Mil brơi gơnam kơ sang anô̆ ƀun rin ƀơi să Dăk Gằn

Hăng tơlơi pơhing “Jao tơlơi đăo gơnang, mơ-ĭt tơlơi kiăng khăp”, anom bruă hmâo ƀơk laih rơbêh kơ 200 anung gơnam kơ hơdôm sang anô̆ ƀun rin djuai ania ƀiă ƀơi să Dăk Gằn hăng să Dak Sắk. Khul hlăk ai Gơnong bruă apui lơtrik Dak Mil djru dưm truă glông hrĕ apui gah tlôn công tơ hăng glông hrĕ pơkĕ apui pơčrang rơđah amăng sang kơ sang anô̆ yă Hoàng Thị Thom ƀơi să Dăk Gằn. Ƀing ayong Phạm Xuân Phương, mơnuih mă bruă kơ Anom bruă apui lơtrik Dăk Mil hmâo blơi laih 5 bôh pul apui hrom hăng sa dua mơta gơnam mă yua apui pơkon brơi kơ sang anô̆ ayong Y Biă ƀơi ƀôn Sarpa să Thuận An./.

Siu H’ Prăk: Pơblang