Ăt amăng hrơi anai, ƀing pơ ala mơnuih ƀôn sang pơčrông sai ƀơi sang jơnum prong kơ Tơlơi phiăn sĭ mơdrô lơ̆m plăng điện tử čih pơkra glăi hăng kơčăo bruă Tơlơi phiăn nua (čih pơkra glăi). Hlâo kơ anun, tlam lơ 10/11, ƀing pơ ala mơnuih ƀôn sang pơsit hĭ Hră pơtrun kơ Akŏ bruă man pơphô bơwih ƀong huă mơnuih mơnam thun 2023. Lăp gleng nao lĕ bruă khua mua pơ ala mơnuih ƀôn sang dêh čar pơtrun hiăp hmao kru pơsir mơtam anŏ kơƀah ia jrao, gơnam yua pơjrao duam ruă.

Phun ñu  ngă kơƀah ia jrao hăng gơnam yua pơjrao duam ruă gah anom bruă ia jrao lăi pơthâo rơđah tơbiă mơ̆ng bruă ngă amưng yơh phun. Anun lĕ bruă juă nua kaih đơi, pok pơhai aka ƀu hur har djơ̆ hăng anŏ kiăng mơ̆ng anih anom sĭ mơdrô; kaih čih anăn ia jrao či blơi...Tui hăng ƀing pơ ala lăi, sa amăng hơdôm phun ñu ba truh tơlơi hơmâo anai pơdjơ̆ nao sa črăn mơ̆ng tơlơi pơtrun, jơlan hơdră, tơlơi pơkă amăng tơlơi phiăn dêh čar. Yua kơ anun, kiăng pơblih pơkra glăi hmao kru kiăng pơsir hĭ tơlơi tơnap tap, pơđut mơtam ƀu lui sui ôh tơlơi kơƀah ia jrao, gơnam yua ia jrao.