Ăt amăng hơdră jơnum lok 4, mơguah lơ 2/11, ƀing pơ ala mơnuih ƀôn sang dêh čar pơčrông sai ƀơi Grup kơ Tơlơi phiăn pơgang tơlơi dưi mơnuih blơi yua čih pơkra glăi. Ƀing khua mua pơ ala tŭ ư hăng tơlơi kiăng biă mă čih pơkra Hơdrôm hră tơlơi phiăn anai hăng tơlơi kiăng hơmâo lăi pơthâo amăng Hră Kơnuk kơna lăi pơthâo, samơ̆ kiăng kơđiăng anŏ pơđĭ kyar sĭ mơdrô, blơi yua phrâo; kiăng pơgang brơi anŏ tŭ yua kơ mơnuih blơi gơnam, tơlơi dưi kơ mơnuih blơi yua; lăp đing nao lĕ hơmâo hơdôm tơlơi soh ngă djơ̆ nao tơlơi dưi kơ mơnuih blơi yua jai hrơi lu, đĭ hmar đơi, samơ̆ pơsir tơlơi bơrơsua anai aka ƀu tŭ yua ôh.

Khua ding jum wai lăng bruă sĭ mơdrô ơi Nguyễn Hồng Diên

Ƀơi grup bơkơtuai, Khua ding jum wai lăng bruă sĭ mơdrô ơi Nguyễn Hồng Diên-pô pơ ala mơ̆ng ƀôn prong Hải Phòng lăi rơđah: kơ bruă pơgang tơlơi dưi kơ mơnuih blơi yua phara, boh nik ñu sĭ mơdrô amăng ineternet, tơlơi anai yơh Ding jum wai lăng sĭ mơdrô hăng lu sang bruă kơnuk kơna djru ngă pơgiong tơlơi pơkă thun blan rơgao. Tum teč biă mă ñu, anŏ pơkă kơ hră sĭ mơdrô tui hră gru hơmâo hlâo amăng bruă sĭ mơdrô amăng điện tử, kiăng pơhlôm djơ̆ hnong gơnam sĭ mơdrô hiam tơpă sit sĭ mơdrô.