VOV4.Jarai - Amăng 2 hrơi (29-30/9), Khul tơhan hơđăp tơring čar Dak Lak pơphun jơnum khua mua tal 7, rơwang thun 2022-2027. Tơlơi yôm mơng bruă mă amăng Khul rơwang laih rơgao anun lĕ hơmâo jak iâu gum pơgôp kiăng kơ djru brơi rơbêh 1.700 boh sang anŏ tơhan hơđăp dưi pơklaih mơng ƀun rin, hrưn đĭ pơđĭ kyar amăng bơwih ƀong huă. Anai lĕ Khul hơmâo arăng jao djru čan prăk, djop gưl Khul tơhan hơđăp amăng tơring čar glăk kiăo tui gum djru giăm 30 rơbâo boh sang anŏ dưi čan prăk hăng abih tih rơbêh 1.100 klai prăk, ĕp brơi bruă mă kơ hơdôm rơbâo čô mơnuih mă bruă; ƀing ding kơna hăng ană bă ƀing gơñu; pơgôp keh prăk djru amăng khul giăm 92 klai prăk, đing nao ngă tui hăng pok prong hơdôm hơbô̆ bruă tơhan hơđăp bơwih ƀong sĭ mơdrô thâo rơgơi.

Amăng 5 thun laih rơgao hơmâo 1.753 boh sang anŏ tơhan hơđăp ƀơi Dak Lak hrưn đĭ pơklaih mơng ƀun rin

Amăng rơwang phrâo, hăng tơlơi jak iâu “Akĕ phĭ - Gum pơgôp - Ba gru - pơplih phrâo”, Khul tơhan hơđăp tơring čar Dak Lak ba tơbiă hơnong pơkă rĭm thun pơjing mơng 1-2 hơbô̆ bruă tơhan hơđăp bơwih ƀong sĭ mơdrô rơgơi, hơmâo ring bruă plơi pla phrâo, plơi prong hiam klă, mut hrŏm amăng pơhlôm rơnuk rơnua, hơđong amăng jơlan glông hăng pok prong hơbô̆ bruă grup tơhan hơđăp wai pơgang anih dŏ hơdip jum dar amăng ƀon lan.

VOV Tây Nguyên/Siu Đoan: Pơblang