Mông ƀơk gơnam anai lĕ sa amăng hơdôm jơlan hơdră gum djru hăng anăn “Ngă bơngač brơi Ƀuôn Kiều - Light up Buon Kieu” mơng hơdôm khul grup djru mơnuih. Amăng anun, hơmâo 30 boh măi komputơr brơi kơ sang hră gưl dua Yang Mao, hăng 30 boh pơkŏn brơi sang pơđok hră ƀơi ƀuôn Kiều, hrŏm hăng plang mut internet.

Laih dong, grup hơmâo jao brơi 20 anung prăk djru hrăm hră brơi ƀing čơđai sang hră ƀơi ƀuôn Kiều, lĕ ƀing čơđai ƀun rin samơ̆ rơgơi hrăm hră, rĭm čô mơnuih arăng djru brơi 1 klăk prăk. Nai Trần Hữu Phước - Khua sang hră gưl dua Yang Mao, să Yang Mao, tơring glông Krông Bông brơi thâo, ƀing čơđai ƀơi ƀuôn Kiều hrăm hră tơnap tap biă mă, hơmâo hơdôm khul grup djru brơi prăk hrăm hră hăng măi komputơr, tơlơi anai amra ngă gêh gal brơi bruă pơtô hrăm ƀơi kual ataih, asuek anai.