Dak Lăk: Brơi rơbêh 600 anung prăk kơ čơđai sang anŏ rin hrăm thâo
Thứ sáu, 14:35, 29/09/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Tlam lơ 28/9, Viettel Dak Lăk ngă hrŏm hăng Gơnong bruă pơtô hăng pơjuăt, Khul pơtrut pơsur hrăm hră tơring čar Dak Lăk pơphun jơlan hơdră brơi prăk “Yua kơ ƀing čơđai gir hrăm hră” thun 2023-2024.
Prăk djru anai hơmâo brơi kơ 610 čô čơđai ƀơi 61 boh să amăng 11 boh tơring glông či tơring čar Dak Lăk, rim anung prăk hơmâo 2 klăk, abih tih prăk djru hrăm hră lĕ 1 klai 220 klăk prăk. Tui hăng ơi Phạm Đăng Khoa, Khua gơnong bruă pơtô hăng pơjuăt tơring čar Dak Lăk, jơlan hơdră brơi prăk “Yua kơ ƀing čơđai gir hrăm hră” hơmâo Viettel Dak Lăk brơi kơ ƀing čơđai sang hră Dak Lăk mơ̆ng thun 2014 laih. Rơgao 9 thun hơmâo laih 4.380 anung prăk hơmâo brơi, abih tih ñu 5 klai 600 klăk prăk. Mrô prăk anai djru ba hơdôm rơbâo čô čơđai tơnap tap gir hrăm hră ƀơi Dak Lăk dưi nao hrăm hră klă hloh.
Viết bình luận