Ră anai, Anom git gai pơplông abih anih 12 thun 2024 tơring čar Dak Lăk hơmâo akŏ pơjing 5 grup hăng 20 čô mơnuih mă bruă, glăk pel ĕp bruă prăp rơmet kơ Hrơi pơplông mơ̆ng Anom git gai pơplông gưl tơring glông hăng 33 anih pơplông sit nik ƀơi tơring čar.

Grup pel ĕp ăt hmư̆ tơlơi rơkâo, pơgôp hiăp mơ̆ng hơdôm boh tơring, sang hră pơplông kơ hơdôm tơlơi tơnap tap amăng hrơi mông prăp rơmet či pơplông; lăi glăi hơdôm tơlơi aka ƀu rơđah bơdjơ̆ nao hơdră pơgăn pleč ƀlor amăng mông pơplông; pơhlôm rơnuk rơnua jum dar anih pơplông, kiăng tal pơplông djơ̆ hăng tơlơi phiăn. Tui hăng ơi Phạm Đăng Khoa, Khua gơnong bruă pơtô hăng pơjuăt tơring čar Dak Lăk, bruă pel ĕp brơi ƀuh, hơdôm anom bruă hơmâo ngă tui djơ̆ laih, pơhlôm djơ̆ hăng hrơi pơkă.