Hră pơtrun hlong ngă tui mơ̆ng lơ 5/6/2026, hơmâo lu tơlơi pơkă djru ba phrâo, anăp nao djă pioh wai pơgang kông ngăn gru grua đưm tŭ yua hăng hơđong hloh. Hră pơtrun pơtum nao 5 khul bruă boh yom phun kah hăng djru ba pơtô hrăm, rŭ glăi anih atông čing ring hơgor, djru ba khul ngă hrŏm pơdong glăi, pơhrôp hiam sang gru đưm dlông lu wang hăng anih pioh pơdah atông čing lir hơbit hăng bruă čơkă tuai, laih dơ̆ng pơtrut ba yua ia rơgơi mrô kiăng djă pioh hră pơar čih glăi gru grua hiam.

Tui hăng hră pơtrun, Dak Lak amra djru boh ƀiă 80.000 prăk sa hrơi, kơ sa čô mă bruă, prăk huă ƀong hăng prăk nao rai kơ ƀing hrăm hăng pơtô glăi atông čing ƀơi plơi pla; djru hrơi bruă boh ƀiă ñu 300.000 prăk kơ sa čô tơdah ngă hrŏm rŭ glăi bruă mă gru grua đưm; 200.000 prăk kơ sa mơguah ƀudah sa tlam brơi kơ mơnuih hyu jŭ yap, čih pioh, pơhrip jua pơhiăp, mă rup mơnuih kơhnăk gru grua. Tơring čar djru ba 5 klăk prăk kơ sa khul ngă hrŏm djă pioh gru grua đưm sa thun, laih dơ̆ng djru ba prăk kăk blơi čing sar, eng ao hăng gơnam pôr jua pơhiăp amăng plơi pla. Hơdôm khul grup ngă bruă gru grua dưi tŭ mă jơlan hơdră djru khom pơtum hrŏm hơmâo boh ƀiă ñu 10 čô ding kơna amăng plơi, pioh pơđĭ kyar bruă čơkă tuai hyu ngui amăng plơi pla, tơring čar Dak Lak him lăng ruah mă boh ƀiă 1 boh plơi, ƀôn ngă gru ƀơi să, phường pioh akŏ pơjing anih anom atông čing hơgor, djru hrŏm akŏ pơjing bruă mă, bơwih ƀong huă kơ mơnuih ƀôn sang djuai ƀiă čơkă tuai nao ngui.