VOV4.Jarai-Hăng tơhnal pơtrun ƀu lui kơ sa čô hlơi ƀu hơmâo mơnong ƀong huă hrơi Tết, mơ̆ng lu tơlơi djru hrom, amăng bơyan Tết thun anai Anom bruă mơnuih mut phung tơring čar Dak Lak mă yua 1 klai 200 klăk prăk pioh blơi gơnam Tết ƀơk kơ sang anŏ mơnuih mă bruă amăng tơring čar. Tui hăng anun, anom bruă mơnuih mut phung tơring čar Dak Lak hơmâo jak iâu djru laih anun mă yua prăk blơi gơnam hlong jao 3.500 anung gơnam, djru kơ mơnuih mut phung hăng 500 anung gơnam Tết brơi kơ mơnuih mă bruă apah mut phung sang anŏ ƀun rin.

Rơnoh prăk djru abih tih 1 klai 200 klăk prăk. Rơngiao kơ anun, djop gưl anom bruă mơnuih tơpuôl ƀudah mơnuih mut phung dŏ pơphun lu bruă mă, hyu čuă jơmư, ƀơk gơnam, pơpŭ thun phrâo kơ mơnuih mă bruă apah mut phung sang anŏ tơnap tap, hơmâo tơlơi duăm ruă, hơmâo tơlơi truh lơ̆m mă bruă ƀudah ƀing bơbeč yua Covid 19.

Nay Jek: Pơblang