Găn rơgao 10 thun pok pơhai ngă tui tơlơi phiăn hăng prap čơkă hrơi tơlơi phiăn ƀơi Dak Lak, klă dong, tŭ yua amăng bruă pơjing, pơphun ngă tui tơlơi phiăn hơmâo hrưn đĭ tong ten hăng ba glăi lu boh than yôm phăn, pơgôp ngă ba glăi tŭ yua bruă pơhlôm rơnuk rơnua, hơđong amăng mơnuih mơnam.

Mơng thun anai, djop gơnong bruă, anom bruă, gưl Ping gah, gong gai ƀon lan amăng tơring čar amra pel ĕp, lăng tui hơdôm tơlơi pơkă phrâo kiăng pơplih pơkra, pơhrua hmao tlôn, sit biă ñu amăng hơdôm bruă: pơplih ngă hră pơ-ar, wai lăng lŏn mơnai, ngă tui bruă jao. Hrŏm hăng anun, rĭm mơnuih apăn bruă Ping gah, mơnuih mă bruă kiăng ba gru ngă tui djơ̆ tơlơi phiăn. Ƀrô tal anai, Jơnum min mơnuih ƀon sang tơring čar Dak Lak pơpŭ brơi hơdôm khul grup, ƀing mơnuih hơmâo lu bruă mă truh kih amăng 10 thun ngă tui tơlơi phiăn lăi pơthâo, pơtô pơblang tơlơi phiăn.