Pơphun ngă jơlan hơdră “Pơtruh hrŏm rông bê - pơplih tơlơi bơwih ƀong” Khul đah kơmơi bơwih ƀong tơring čar Dak Lăk ngă hrŏm hăng Khul đah kơmơi bơwih ƀong Việt Nam brơi 100 drơi bê ania kơ ƀing đah kơmơi djuai ania ƀiă ƀơi Dak Lăk.

Jơlan hơdră hơmâo kah jing 3 tal, brơi 100 drơi bê tuh ană kơ 30 boh sang anŏ djuai ania ƀiă ƀơi hơdôm boh plơi pla či Dak Lăk. Jơlan hơdră hơmâo djru čan prăk pơdar nao rai kơ hơdôm boh sang anŏ hơmâo ruah, hơmâo tơlơi kĭ pơkôl 3 bơnah, anun lĕ Khul đah kơmơi bơwih ƀong Dak Lăk, sang anŏ hăng khul đah kơmơi amăng plơi. Rim boh sang anŏ hơmâo mă 3 drơi bê ania. Grup mơ̆ng 3 truh 5 bơbung sang jê̆ giăm amra brơi thim 1 drơi bê tơnô dơ̆ng. Hrơi pơkă ha tal djru lĕ 2 thun, amăng anun hơdôm bơnah amra krăp lăng djru ba rim boh sang rông bê, tơdah ƀu rơ-oa lĕ amra brơi bê kơ sang anŏ pơkŏn dơ̆ng rông./.