Rơđah biă ñu, amăng blan 9 thun 2023, bruă tŭ mă, pơsir hră pơ-ar bruă čar gah rơwang wai lăng mơ̆ng tơring car Dak Lak hmâo ngă tui klă laih, plai ƀiă ngă kaih hră pơ-ar. Gah man pơdŏng hăng pơđĭ kyar Gong gai điện tử, gong gai mrô, hơdôm glông bruă lăi pơhing yua hrŏm dưi pơjing pơhlôm laih. Glông bruă iGate hmâo pơsir 694.611 pok hră pơ-ar tui hơdră Sa bơnah bah amăng điện tử luh gah, mrô pơsir djơ̆ hrơi pơkă 98,23%.

Amăng mông jơnum klah čun ƀơƀiă bruă pơplih pơkra hră pơ-ar 9 blan thun 2023 pơphun mơguah lơ 18/10, ơi Nguyễn Tuấn Hà, Kơ-iăng Khua Jơnum min mơnuih ƀôn sang tơring čar Dak Lak, rơkâo hơdôm tơring glông, plơi prong pơsit djơ̆ bôh nik hăng ĕp tơbiă bôh than yua hơget sa dua tơhnal ba tơbiă, tơhnal pơkă amra ƀu jing ƀudah rơngiă puang, mơ̆ng anun ba tơbiă jơlan pơsir pioh pơhlôm thun 2023 tơring čar amra dưi pơđĭ tơhnal dăp gah mrô pơplih hră pơ-ar./.