Boh tơhnal pơtop hrăm đing nao bruă lăng glăi tơlơi pơkă amăng tơlơi phiăn, črâo ba bruă pơsir bruă ngă pơ-ar kơ tơlơi ngă yang, tơlơi đăo, laih dong pơlăi nao rai tơlơi găn rơgao amăng pơsir hĭ hơdôm bruă bơdjơ̆ nao lŏn mơnai, man pơdong sang jơnum, ngă hră brơi jơnum pơƀut.

Anai lĕ anih pơtop hrăm tal dua hơmâo pơphun brơi ƀing apăn bruă juăt pơphô bruă kơ tơlơi ngă yang, tơlơi đăo ƀơi ƀon lan, kiăng hrưn đĭ klă amăng bruă wai lăng kơnuk kơna hăng pơsir hĭ hơdôm bruă phrâo ƀuh ră anai. Anih pơtop hrăm đing nao lăi glăi hơdôm tơlơi tơnap tap, gun găn phrâo ƀuh ƀơi ƀon lan, pơgôp pơmut hrŏm amăng ngă tui tơlơi phiăn hăng hrưn đĭ tŭ yua amăng wai lăng mơng ƀon lan.