Hrơi blan ngă hơđong nua gơnam sĭ mơdrô mơ̆ng lơ 1/12/2023 truh lơ 29/2/2024. Hơdôm mơta gơnam sĭ mơdrô kah hăng braih apiăng, mơnong ƀong huă, añăm mơnong bui, mơnŭ, bip, boh mơnŭ bip, ia rơmă, sik, tơpung mih hơbai añăm hăng lu mơta gơnam pơkra ming mơnong ƀong huă, boh troh, añăm pơtam hla rơ̆k.

Anai lĕ, khul gơnam kiăng yua ječ ameč, kiăng lu biă mă laih anun juăt đĭ trun nua đơi. Tơring čar Dak Lak hơmâo jak iâu 11 boh sang bruă sĭ mơdrô, siêu thị, anih ba gơnam sĭ mơdrô ngă hrŏm hơdră djru ngă hơđong nua gơnam sĭ mơdrô rơnuč thun 2023 hăng čơkă thun phrâo 2024. Him lăng rơnoh prăk blơi yua gơnam sĭ mơdrô bơwih brơi kơ hrơi ngă yang thun phrâo rơbêh 473 klai, dưi djop 27% rơnoh kiăng blơi mơ̆ng mơnuih ƀôn sang amăng bơyan ngă yang thun phrâo, kiăng huăi hin gơnam sĭ mơdrô.