VOV4.Jarai-Amăng 6 blan akŏ thun anai, Anom bruă djop djuai ania amăng tơring čar Dak Lak hơmâo brơi mă yua 10 klai prăk djru mơnuih ƀun rin, blơi gơnam ƀơk čơkă thun phrâo, djru prăk ngă hmua pla pơjing, pơdong sang ƀudah pơkra glăi sang gum pơgôp, djru prăk pơjrao duăm ruă kơ mơnuih ƀun rin,…

Man pơdong hăng pơkra glăi sang gum pơgôp brơi kơ mơnuih ƀun rin

Hrom hăng anun, Khul djru mơnuih tơnap tap mơ̆ng tơring čar, hơmâo pơphun nao čuă jơmư, tơña bla hăng djru hmao kru kơ mơnuih tơnap tap hloh, hơdôm sang anŏ hơmâo tơlơi truh lŏn adai ngă, djai ƀlung ia hăng rơnoh prăk truh 500 klăk prăk. Ngă hrom iâu pơthưr, jak iâu djru keh prăk hơdor tơngia tla pran pioh djru ba sang anŏ hơmâo anăng kơnuk kơna lăng, sang anŏ ngă hơkrŭ đưm. Anom bruă djop djuai ania mơnuih mơnam djop gưl hơmâo ngă hrom hăng lu sang bruă kơnuk kơna ăt jak iâu pơčruh keh prăk yua mơnuih ƀun rin, pơđĭ tui rơnoh prăk truh 24 klai ha mơkrah.

Nay Jek: Pơblang