Dak Lak rơkâo yua 39 klai prăk djru khua mua tơdơi kơ pơmut glăi sang bruă
Thứ năm, 10:59, 11/06/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Jơnum min mơnuih ƀôn sang tơring čar Dak Lak phrâo hơmâo hră lăi pơthâo rơkâo Khul khua mua phun jơnum min pơ ala mơnuih ƀôn sang tơring čar, kiăng pơhrơ̆i sui ƀiă hrơi blan ngă tui jơlan hơdră djru kơ ƀing khua mua, mơnuih apăn bruă čar, tơdơi kơ dăp glăi, pơmut sang bruă gong gai kơnuk kơna dua gưl mơ̆ng 12 blan truh 24 blan.
Jơlan hơdră anai, hơmâo ngă tui kiăng djru ba plai ƀiă tơlơi tơnap kơƀah prăk kăk rô nao rai, dŏ dong ƀong huă, ngă gêh găl brơi ƀing khua mua, mơnuih apăn bruă hơđong pran jua mă bruă ƀơi anih dŏ phrâo, pơhlom brơi bruă mă hruaih na nao amăng gong gai kơnuk kơna tơdơi kơ dăp pơmut glăi.
Tui hăng Jơnum min mơnuih ƀôn sang tơring čar Dak Lak, him lăng truh lơ 30/6/2026, jơlan hơdră djru anai hơmâo ngă tui brơi djru kơ 16.116 čô hăng rơnoh prăk abih tih 52 klai prăk. Bruă pok pơhai hmao kru jơlan hơdră djru ba anai, hơmâo tơlơi bơtŭ ư hrŏm abih bang khua mua, mơnuih apăn bruă čar hăng mơnuih mă bruă apah amăng sang bruă kơnuk kơna. Tui hăng tơlơi jŭ yap, rơnoh prăk kiăng pơhrua nao dơ̆ng ngă tui jơlan hơdră anai rơbêh 39 klai prăk.
Viết bình luận