Tui lăi pơthâo mơng gơnong kơčăo bruă hăng tuh pơ alin tơring čar Dak Nông, truh ră anai, đơ đam tơring čar phrâo jao trun 1.350 klai prăk tuh pơ alin man pơdong, dưm dưm 34,5% tui tơlơi pơkă, aset ƀiă rơbêh 7% pơhmu hăng thun hlâo. Gun găn amăng bruă pơhrui glăi lŏn mơnai, laih dong hơdôm anih mă bôxit hăng hơmâo lu tơlơi bơdjơ̆ nao bruă mă bôxit, anai lĕ hơdôm tơlơi ba truh kơ bruă  jao prăk tuh pơ alin man pơdong ƀơi Dak Nông dŏ aset.

Amăng anun, bơdjơ̆ nao kơtang hloh lĕ gun găn amăng mă bôxit. Ơi Trần Đình Ninh, Khua gơnong kơčăo bruă hăng tuh pơ alin Dak Nông brơi thâo, hơmâo lu tơlơi ngă tơnap amăng dưm dăp hăng hơdôm tơlơi pơkă bơdjơ̆ nao lu ring bruă. Tơring čar hơmâo lu wŏt rơkâo đĭ gơnong glông pơsir hĭ tơnap tap, gun găn bơdjơ̆ nao truh pơ bruă mă bôxit samơ̆ truh ră anai ăt aka ƀu pơsir hĭ, bruă jao prăk tuh pơ alin man pơdong thun anai amra ƀu pơgiong tui tơlơi kiăng.