VOV4.Jarai - Khul djuai ania, Khul pơ ala mơnuih ƀon sang tơring čar Dak Nông phrâo pơphun pel ĕp tơlơi hơdip kơ mơnuih djuai ania ƀiă ră anai pơklaih mơng ƀun rin laih amăng tơring čar rơwang thun 2019-2021. Tui hăng hơduah ĕp sit nik, Khul pơ ala mơnuih ƀon sang tơring čar Dak Nông rơkâo Jơnum min mơnuih ƀon sang tơring čar git gai djop gơnong bruă, gong gai ƀon lan gum hrŏm kjăp, ha amăng plĕ hăng pok pơhai djop mơta hơdră djru pơđĭ kyar bơwih ƀong huă-mơnuih mơnam, pơhrŏ trun ƀun rin mơng Kơnuk kơna; đing nao pơlir hơbit, ngă ha amăng plĕ hơdôm hơdră djru kiăng ba glăi tŭ yua. Laih dong, pơphun kơsem min, pơphô hơdôm hơdră bruă, jơlan hơdră yôm phara brơi sang anŏ ƀun rin lĕ mơnuih djuai ania ƀiă. Ră anai đơ đam tơring čar hơmâo giăm 18.300 boh sang anŏ ƀun rin, dưm dưm rơbêh 11% mrô sang anŏ. Amăng anun, sang anŏ mơnuih djuai ania ƀiă giăm 12.800 boh, dưm dưm giăm 28% mrô sang anŏ mơnuih djuai ania ƀiă.

Siu Đoan: Pơblang