VOV4.Jarai - Sang prăk gah Hơdră bruă mơnuih mơnam tơring čar Daklak glăk pơtrut tañ bruă pơsir prăk čan mă kơmlai ƀiă kơ bruă hơkrŭ glăi hăng pơđĭ kyar bơwih ƀong tui Tơlơi pơtrun pơsit mrô 11 lơ 30/01/2022 mơng Kơnuk kơna. Daklak hmâo jao laih 259 klai 200 klăk prăk tơhnal pơkă kơčăo bruă hơdôm jơlan hơdră brơi čan prăk mă kơmlai ƀiă tui Tơlơi pơtrun pơsit mrô 11 mơng Kơnuk kơna.

Mơnuih mă bruă gah Sang prăk hơdră bruă mơnuih mơnam tơring čar Daklak pel ĕp bruă mă yua ngăn rơnoh

Amăng anun, 254 klai 400 klăk prăk amra dưi čan pioh ngă tui jơlan hơdră pơkă mơng lŏn ia kơ pơđĭ kyar bơwih ƀong – mơnuih mơnam kual neh wa djuai ania ƀiă hăng kual čư̆ siăng rơwang sa mơng thun 2021 truh thun 2025. Hlâo kơ anun, Kơnuk kơna ăt hmâo pơpha mơn kơ Daklak rơbêh kơ 71 klai prăk pioh pok pơhai 3 amăng mrô 5 jơlan hơdră brơi čan mă kơmlai ƀiă tui Tơlơi pơtrun pơsit 11. Amăng anun brơi čan djru pơtô bruă mă, djă pioh hăng pok prong bruă mă 50 klai prăk; brơi čan kơ sang dô̆ mơnuih mơnam 20 klai prăk; hăng brơi čan čơđai sang hră, čơđai gưl dlông hmâo tơlơi hơdip tơnap pioh blơi măi kompiutơr, măi mok pioh kơ bruă hrăm lăng nao rai mơng ataih 1 klai 100 klăk prăk./.

Siu H’ Prăk: Pơblang