VOV4.Jarai - Lơ 1/4, Khul pơ ala mơnuih ƀôn sang tơring čar Daklak tal 10 pơphun Tal jơnum akô̆ bruă pơkă tal sa. Amăng tal jơnum, ƀing khua pơ ala hmâo pơphun pel ĕp hơdôm hră pơ-ar, tơlơi lăi pơthâo glăi bruă pel ĕp hăng lăng glăi 9 mơta tơlơi pơtrun pơsit yôm phăn bơdjơ̆ nao truh tơlơi pơđĭ kyar bơwih ƀong - mơnuih mơnam mơng tơring čar kah hăng: Tơlơi pơtrun pơsit kơ pơhrư̆i hrơi ngă tui hăng pơsir prăk kơ kơčăo bruă tuh pơplai bruă hrom thun 2021 hơdai nao thun 2022 prăk ngăn drăp tơring čar;

Đơ đam anih jơnum

Tơlơi pơsit pơtrun tuh pơplai hăng pơplih pơkra sa dua rơwang bruă prong; jơlan gah pơpha kơčăo bruă prăk pơpha pơgôp hrom ngă tui Jơlan hơdră pơkă mơng dêh čar pơdŏng plơi pla phrâo mơng thun 2022. Kiăo tui anun, amăng thun 2021, abih bang prăk tuh pơplai bruă hrom ngăn drăp tơring čar akă pơsir lĕ rơbêh kơ 476 klai prăk amra dưi hơdai nao kơ thun 2022. Tơring čar ăt pơpha mơn 238 klai prăk pơgôp hrom ngă tui Jơlan hơdră pơkă mơng dêh čar pơdŏng plơi pla phrâo, kơčăo bruă thun 2022./.

Siu H’ Prăk: Pơblang