VOV4.Jarai - Prăp lui kơ tal pơplông mă ƀăng gưl 3 dêh čar ta thun anai, tơring čar Daknông ngă tui dong hơdră bruă djru prăk kơ ƀing čơđai hmâo tơlơi hơdip tơnap, čơđai djuai ania ƀiă hơđong pran jua nao pơplông.

Pơphun pơhrăm glăi kơ čơđai kiăng pơplông hmâo bôh than klă hloh

Tal pơplông anai, tơring čar Daknông hmâo rơbêh kơ 6.870 čô čơđai ngă hră pơplông mă ƀăng gưl 3, amăng anun hmâo 1.580 čô čơđai djuai ania ƀiă. Ră anai hơdôm bôh sang hră amăng tơring čar glăk pơphun pơhrăm glăi kơ čơđai kiăng hmâo bôh than prong. Ơi Phan Thanh Hải, Kơ-iăng Khua Gơnong bruă pơtô pơhrăm tơring čar Daknông brơi thâo, thun anai, tơring čar ngă tui dong hơdră bruă djru prăk rơbêh kơ 300.000 prăk kơ rim čô čơđai tơnap, čơđai djuai ania ƀiă, djru ƀing čơđai hơđong pran jua nao pơplông./.

Siu H’ Prăk: Pơblang