VOV4.Jarai - Jơnum min mơnuih ƀôn sang tơring čar  Daknông hmâo tơlơi pơsit mă yua rơbêh kơ 35 klai prăk hyu čuă tơña bla, ƀơk gơnam tam, pơsur hơdôm khul grŭp hăng bơwih brơi kơ mơnuih ƀun rin, hơdôm mơnuih tơnap tap amăng tal Tết tui phiăn juăt Nhâm Dần 2022.

Grŭp Khua GGWLPA mơnuih ƀôn sang tơring čar Daknông ƀơk gơnam Tết kơ čơđai muai tơnap tap

Thun anai, rơngiao kơ hơdôm bôh sang anô̆ gah hơdră bruă gum djru, mơnuih djru ngă hơkrŭ đưm, hơdôm bôh anom bruă tơhan, tơring čar Daknông pok prong mơnuih hyu ƀơk gơnam Tết truh abih bang hơdôm anih anom ia jrao, hơdôm anih dô̆ gak pơgang pơgăn klin Covid-19, hơdôm khul mơnuih ƀơi anih pơgăn klin, hăng hơdôm anih anom wai lăng dlai ƀơi tơring čar. Tơring čar ăt pioh mơn gơnam ƀơk brơi kơ rim plơi pla djuai ania ƀiă 6 klăk prăk pioh pơphun brơi neh wa mơ-ak tết plơi pla. Hrom hăng ngăn drăp, Daknông hmâo iâu pơhrui lu mơng ngăn rơnoh gum djru, djru neh wa hmâo tơlơi gal ƀong Tết, hăng jơlan gah ƀu pioh sang anô̆ hơpă kơƀah rơpa amăng hơdôm hrơi čơkă thun phrâo. Tơring čar ăt rơkâo mơn Kơnuk kơna yua 950 tơn braih djru brơi kơ mơnuih ƀun rin./.

Siu H’ Prăk: Pơblang