VOV4.Jarai - Truh ră anai, tơring čar Daknông dô̆ dŏng hnưh 28 klai prăk djru hăng mơnuih apăn bruă, mơnuih mă bruă gah ia jrao gum hrom pơgăn klin Covid-19. Tui hăng Gơnong bruă ia jrao tơring čar Daknông, bôh than lĕ yua kơ gơnong bruă đing nao kơ bruă pơgang pơgăn klin, anun bruă lăi pơthâo, pơhrua nao anăn mơnuih gum hrom hmâo črăn kaih.

Mơnuih mă bruă gah ia jrao Daknông gum hrom pơgang pơgăn klin Covid-19

Kơnong kơ mrô hnưh tla kơ hơdră gum djru pioh kơ mơnuih mă bruă gah ia jrao thun 2021 lĕ 28 klai prăk, hăng pơkă hlâo mrô mơng thun 2022 lĕ rơbêh kơ 40 klai dong. Ƀơi mông tơña amăng tal jơnum lok 4 pơphun lơm lơ 26/7, ơi Lưu Văn Trung, Khua Khul pơ ala mơnuih ƀôn sang tơring čar Daknông, lăi lĕ, ƀu dưi yua kơ bôh than hne adih mơ̆ ngă kaih hĭ bruă tla prăk djru kơ mơnuih mă bruă gah ia jrao, hơdôm mơnuih mă bruă pơgang pơgăn klin Covid-19. Hơdôm gơnong bruă amăng tơring čar khom ngă tui giong bruă tla prăk djru kơ mơnuih gum hrom pơgang pơgăn klin amăng blan 8 pơ̆ anăp mơtăm./.

Siu H’ Prăk: Pơblang