VOV4.Jarai-Mơguah lơ 7/10, Ding jum bruă čar pơphun jơnum kơ bruă kơnuk kơna git gai wai lăng djop khul, keh prăk djru bruă mơnuih mơnam, tơlơi khăp pap. Truh ră anai, amăng dêh čar ta hơmâo 93 rơbâo khul, keh prăk. Lu khul, keh prăk djru hrom prong biă mă amăng bruă mơnuih mơnam, tơlơi khăp pap. Biă mă ñu, amăng bruă pơhlôm, pơgang klin kheng covid 19, hơmâo pơhrui lu prăk kăk, mơnong ƀong huă, djru mơnuih ƀôn sang kual klin kheng kơtang kah hăng djru pơčruh prăk keh prăk Vaccine pơhlôm pơgang klin Covid 19 hrom kơnuk kơna.

Jơnum kơ bruă mă git gai kơnuk kơna wai lăng khul, keh prăk mơnuih mơnam

djru tơlơi khăp pap

Amăng thun 2021, rơnoh prăk djru mơ̆ng mơnuih mơnam pơgôp keh prăk tơlơi khăp pap truh 3 rơbâo 468 klai prăk, laih anun djru ba rơbêh 2 rơbâo 425 klai prăk. Mah tui anun, bruă mă mơ̆ng lu keh prăk dŏ ngă tŭ kơ hơmâo aka ƀu tong ten ôh, lu mơnuih mơneč mă bruă anun ĕp kơmlai kơ pô, pơdjơ̆ sao tơdruă, ba truh tơlơi bơrơsua, ngă kơđi, pơčut pơčao tơdruă sui hrơi blan; lu keh prăk arăng djru khăp pap mă yua ƀu rơđah rơđong tơpă ôh jak iâu pơčruh truh ba yua hyu ƀơk prăk kơ mơnuih tơnap tap.

Nay Jek: Pơblang