VOV4.Jarai - Tlam lơ 22/2, ƀơi Hà Nội, Anom bruă tơhan pôlih wai lăng gah hră pơ-ar kơ hơđong kơjăp mơnuih mơnam, Ding jum kông an pơphun jơnum lăi pơthâo brơi mrô tài khoản  pơsit anăn điện tử kơ mơnuih ƀon sang hluai tui bruă brơi căn cước công dân. Him lăng rơnuč blan 2 Ding jum kông an amra brơi hră pơsit mrô điện tử kơ mơnuih ƀon sang đah mơng dưi ngă hră pơ-ar yôm tui plang internet. Tài khoản pơsit anăn mrô điện tử jing pơƀut anăn, mrô mật khẩu ƀudah glông ta dưi mut lăng anăn hluai tui glông pơsit anăn hăng mrô laih anun kiăo tui glông điện tử mơng Ding jum kông an. Tài khoản anai hơmâo wai lăng hăng pơsit brơi tui glông pơsit anăn điện tử dêh čar ta yua Ding jum Kông an pơkra. Lơ̆m mơnuih ƀon sang nao pơ kông an kuâ̆n, tơring glông, tơring čar, ƀon prong ngă hră rơkâo pơplih, ngă glăi hră căn cước công dân tep chip lĕ dưi rơkâo tài khoản pơsit anăn điện tử. Abih bang mơnuih lêng dưi ngă tài khoản pơsit anăn điện tử tơdah kiăng. Biă ñu, bruă pơhơgŏm brơi ƀing ta klă biă, huăi hơmâo mơnuih pơkŏn pơƀlor mă pô, sit biă, laih anun hơmâo pơsit mơng Glông djă pioh dêh čar ta kơ mơnuih ƀon sang jing hră pơ-ar phun, hơmâo Kơnuk kơna jao kơ Ding jum kông an wai lăng.

Siu H’Mai: Pơblang