VOV4.Jarai - Lơ 29/8, Ding jum pơtô pơjuăt hơmâo hră pơ-ar mơ-it Khua gơnong bruă pơtô pơjuăt hơdôm tơring čar, ƀon prong kơ bruă pok pơhai sa, dua bruă amăng akŏ thun hrăm 2022-2023. Sa amăng hơdôm bruă mă mơ̆ Ding jum pơtô pơjuăt rơkâo ƀing gơñu ngă tui djơ̆ tơlơi pơkă amăng wai lăng prăk pơhrui, mă yua hăng lăi pơthâo tong ten hơdôm rơnoh prăk pơhrui, mă yua amăng thun hrăm phrâo. Ding jum rơkâo hơdôm gơnong bruă pơtô pơjuăt hruă kjăp hăng pok pơhai ngă tui bruă jao akŏ phun amăng thun hrăm 2022-2023, hăng anăn pơphun amăng hrơi mut sang hră lĕ “Gum pơgôp, pơčeh phrâo, gir run pơgiong bruă jao hăng hơnong pơkă pơplih phrâo, hơkrŭ glăi hăng hrưn đĭ klă dong amăng pơtô hrăm”. Gơgrong pel ĕp, dưm dăp ƀơi sang hră, anih pơtô, nai pơtô, mơnuih mă bruă brơi lăp djơ̆ hăng tơlơi gal sit nik ƀơi ƀon lan hăng pơmut ƀiên chế brơi nai pơtô tui tơlơi pơkă. Hơdôm gơnong bruă pơtô pơjuăt kiăng git gai djop sang hră pok pơhai hơdră bruă pơhlôm rơnuk rơnua, hơdodng ƀơi sang hră, amăng anun đing nao hơdră pơgang klin hăng bong glăi tơlơi truh sat mơng ayuh hyiăng, klin Covid-19 hăng hơdôm tơlơi duam ruă pơkŏn.

Siu Đoan: Pơblang