Mơguah lơ 13/5, amăng tal jơnum Khua pơ ala mơnuih ƀôn sang dêh čar, Gong gai dêh čar hmâo pơdah laih Tơlơi pơtrun pơsit kơ pơhrưi hrơi lui mă jia lŏn ngă đang hmua dưi pơkă amăng Tơlơi pơtrun pơsit mrô 55 mơ̆ng Khua pơ ala mơnuih ƀôn sang dêh čar kơ lui, hrŏ trun prăk mă jia lŏn ngă đang hmua hmâo pơplih pơkra, pơhrua nao sa dua mơta tơlơi tui Tơlơi pơtrun pơsit mrô 28. Kiăo tui anun, bruă lui mă jia lŏn ngă đang hmua pioh pơplih phrâo tơlơi pơmin, tơlơi pơtrun, jơlan gah mơ̆ng Ping gah hăng Kơnuk kơna kơ bruă đang hmua, mơnuih ngă đang hmua, plơi pla; hrŏm hăng anun djru mơnuih ngă đang hmua, pơsur pơlar bruă ngă đang hmua.

Hơdră bruă lui mă jia, hrŏ trun prăk mă jia lŏn ngă đang hmua dưi ngă tui mơ̆ng thun 2001 truh ră anai, abih bang prăk lui mă jia, hrŏ trun mă jia giăm truh 120 rơbâo klai prăk prăk. Kơnong rơwang 2021-2023 hơnong ñu rim thun lui mă jia, hrŏ trun mă jia năng ai ñu 7.500 klai prăk. Amăng tơlơi ngă đang hmua, bơwih ƀong sĭ mơdrô ră anai, lu tơlơi gum pơhiăp tŭ ư hrŏm kơ tơlơi kiăng pơhrư̆i hơdră bruă lui mă jia lŏn ngă đang hmua truh abih thun 2030 kah hăng ba tơbiă mơ̆ng Gong gai dêh čar./.