Mah sang anŏ dŏ lu tơlơi tơnap, kơƀah djop mơta samơ̆ ƀing adơi đeh čơđai sang hră ăt gir run, hrưn đĭ hrăm hră thâo hơmâo boh tŭ yua amăng bruă ƀư̆ pơkra pran jua, drơi jăn, hur har ngă hrom djop bruă jak iâu mơ̆ng nai sang hră; jing ană săng, čơđai sang hră rơgơi, anăn amôn săng mơ̆ng Wa Hồ.

Khua mua tơring čar Gia Lai čang rơmang djop gơnong bruă, khul grup mơnuih tơpuôl, ăt đing nao lu hloh kơ bruă wai lăng, pơgang ba, pơtô hrăm tơdăm ngek dra muai, čơđai anet, lăng ba ƀing čơđai sang anŏ tơnap tap pơ anăp adih. Ƀrô tal anai, 81 čô čơđai sang hră mơnuih djuai ƀiă tơnap tap ƀơi tơring čar Gia Lai dưi apah bơni tŭ mă hră Bơni mơ̆ng Sang bruă tơdăm dra mut phung rơnuk Hồ Chí Minh tơring čar Gia Lai ƀơk.