Laih dơ̆ng pơpha brơi lŏn ngă anih jơnum plơi, ƀôn ƀut djơ̆ găl hăng tơlơi phiăn gru grua đưm ƀơi plơi pla. Tui hăng jơlan hơdră phrâo anai, tơring čar Gia Lai amra djru sa wơ̆t hăng mơnuih ƀôn sang djuai ƀiă, sang anŏ ƀun rin, sang anŏ giăm ƀun rin kiăng kơ lŏn ngă hmua hăng lŏn pơdong sang.

Hăng lŏn pơdong sang lĕ, sang anŏ aka ƀu hơmâo lŏn dŏ ƀudah kơƀah lŏn dŏ amra sem lăng, pơpha brơi lŏn ƀudah brơi pơblih lŏn hmua dưi ngă lŏn pơdong sang tơdah giăm  plơi pla tui thun blan kơnuk kơna pơkă brơi. Kơ lŏn ngă hmua, hơdôm sang anŏ hơmâo lŏn gah yŭ 50% rơnoh pơkă, amra sem lăng djru brơi dơ̆ng lŏn ngă hmua ƀu mă prăk duh jia ôh. Hră pơtrun anai, djru sa hnơ̆ng kơ jơlan hơdră amăng đơ đam tơring čar, laih dơ̆ng djru pơsir hĭ tơlơi tơnap tap kơƀah lŏn pơdong sang, đang hmua, kiăng mơnuih ƀôn sang hơđong pran jua mă bruă pơđĭ kyar tơlơi bơwih ƀong huă, ngă tui tŭ yua tơhnal pơkă pơhrŏ ƀun rin kơjăp hơđong.