Amăng anun, pơƀut pơplih phrâo hơdră ngă hmua pla pơjing, bơwih ƀong kơjăp ƀơi kual mơnuih ƀôn sang djuai ƀiă. Ngă tui Jơlan hơdră dêh čar pơtrun hrŏ trun mrô sang anŏ rin hơđong kơjăp thun 2021-2025, tơring čar Gia Lai amra djru ngă phrâo hăng pơkra glăi sang dŏ kơ ƀiă biă mă ñu 2.000 boh sang anŏ rin, giăm rin; pơhlôm brơi 98% mrô sang anŏ rin hơmâo mă yua ia hơdjă; abih bang čơđai ƀơi tơring glông rin hơmâo nao pơ sang hră, hơmâo hră pơhlôm nua ia jrao...

Tơring čar amra pơƀut ngă 7 kơčăo bruă kah hăng: Djru tuh pơ alin pơđĭ kyar bơwih ƀong huă - mơnuih mơnam tơring glông rin; akŏ pơjing lu tơlơi bơwih ƀong, pơđĭ kyar bơwih ƀong plai ƀiă rin rơpa; djru pơđĭ kyar ngă hmua pơkra gơnam, lăng ba tơlơi suaih pral; pơđĭ kyar bruă pơtô hrăm bruă mă; bruă mă hơđong kơjăp; djru sang dŏ kơ sang anŏ rin, giăm rin ƀơi hơdôm boh tơring glông rin; pôr pơthâo hăng pơhrŏ trun bruă kơƀah tơlơi pơhing; pơđĭ tui tơlơi rơgơi, krăp lăng pơtŏng glăi Jơlan hơdră djru kơ sang anŏ rin, giăm rin.