VOV4.Jarai - Tơdơi kơ 2 hrơi pok pơhai, hrơi tom brơi (11/5), Khul kyâo bơrơkal mriah tơring čar Gia Lai gum hrŏm hăng grup ASIF (Australasia Social Impact Foundotion) ƀơi Việt Nam pơphun jao 39 boh ring bruă “Ia bơmun hơdjă amăng plơi pla” djru brơi mơnuih ƀon sang amăng 3 boh tơring glông: Ia Grai, Čư̆ Prông, Čư̆ Pah amăng tơring čar Gia Lai.

Tui anun, rĭm ring bruă hơmâo: Kơthung dưm ia 3.000 lit, măi ƀô̆p ia, lan sang hăng hơdôm ring bruă pơkŏn dong. Rơnoh prăk tuh pơ alin mơng 80 - 120 klăk prăk/ring bruă. Anai lĕ hơdôm bruă amăng akŏ bruă “Ia bơmun hơdjă amăng plơi pla” hơmâo pok pơhai tui rơwang thun 2021-2023. Akŏ bruă kiăng ngă gêh gal kơ ia yua hơdjă brơi mơnuih ƀon sang, sit biă ñu ƀơi hơdôm kual ataih, asuek, kual mơnuih djuai ania ƀiă pơgôp hrưn đĭ klă dong amăng tơlơi hơdip.

Siu Đoan: Pơblang