VOV4.Jarai - Tơring čar Gia Lai phrâo pơphun yôm phăn mông mơyut jôk, pơyua 18 per tơlang tơleh tơhan djai pơsăn drơi jăn hăng ƀing djru blah wang mơng dêh čar Việt Nam djai pơ dêh čar Kur ƀơi pơsat dor tơhan tơring glông Đức Cơ (Gia Lai). Amăng mông mơyut jôk, Khua mua Jơnum min mơnuih ƀon sang tơring čar Gia Lai pơsit tong: ƀing apăn bruă, ling tơhan mơng dêh čar Việt Nam hơmâo gum hrŏm hăng mơnuih ƀon sang dêh čar Kur djru blah wang, djai pơsăn drơi, djru brơi mơnuih ƀon sang Kur pơklaih rơngai lŏn ia, blah pơrai tơhan pơdjai đut djuai.Tơlơi gum pơgôp mơng ling tơhan dêh čar ta yôm phăn biă mă, ƀing gơñu djai ngă kơ mơnuih ƀon sang dêh čar ta hning rơngŏt.

Hơdôm per tơlang tơleh anai yua kơ Grup K52 (Anom bruă git gai ling tơhan tơring čar Gia Lai) hơduah ĕp, klơi ba glăi amăng bơyan phang thun 2021-2022. Anai lĕ bơyan phang tal 21, grup K52 pơphun bruă hyu ĕp, klơi ba glăi tơlang tơleh tơhan djai pơsăn drơi ƀơi dêh čar Kur. Tui anun, Grup hơmâo pơƀut glăi 77 tơlơi pơhing kơ anih dor tơhan, pơphun pel ĕp ƀơi 22 anih hơmâo pơsat tơhan hăng klơi ba glăi 18 per tơlang tơleh tơhan djai pơsăn drơi.

Siu Đoan: Pơblang