Amăng lu thun rơgao, neh wa plơi Ó năp nao klă hơdôm bruă pơsur kơ pơdŏng plơi pla phrâo, pơdŏng tơlơi hơdip mơda thâo rơgơi, pơplih tơlơi pơmin, hơdră ngă, hrŏ trun rin rơpa. Truh ră anai, hơdôm bôh sang anô̆ mơnuih ƀôn sang plơi Ó hmâo ngă hmua ba glăi bôh tơhnal hơdôm rơtuh ektar đang kơphê, hmua pơdai hăng đang kơtor rơtă; tơlơi hơdip mơda đĭ kyar rơđah.

Nao pơhmư̆ mông jơnum ngui gum hrŏm hơbit, ơi Phan Đình Trạc mơ-ĭt tơlơi hơ-ưč hmưi truh mơnuih ƀôn sang plơi Ó kơ hơdôm tơlơi gir run hăng bôh tơhnal dưi ngă, hrŏm hăng anun rơkâo Jơnum min djop djuai ania mơnuih mơnam hơdôm gưl pơplih phrâo dong jơlan hơdră, bôh yôm, bruă mă, lăi pơhing, gum hrŏm mơnuih ƀôn sang pơdŏng tơlơi hơdip jai hrơi pơđĭ kyar, kơjăp hiam hloh./.