Tui hăng tơlơi rơkâo, ƀing čơđai sang hră ƀơi Gia Lai amra dưi rơkâo tŭ mă hơdrôm hră pioh hrăm djop per hơdrôm hră jơlan hơdră či hrăm sa thun.

Hơdrôm hră anai, yua kơnuk kơna blơi, jao kơ sang djă pioh hơdrôm hră ƀơi sang hră mơtam dŏ djă pioh; brơi čơđai mă yua hrăm jăng jai, abih thun hrăm brơi glăi sang djă pioh, či brơi kơ čơđai hrăm thun tơdơi dơ̆ng tŭ mă hrăm. Jơlan hơdră anai, ngă tui hăng čơđai sang hră gưl dua hăng gưl klâo laih anun ƀing nai pơtô hrăm anih hrăm re se amăng tơring čar kah hăng ƀing dưi djru ba lĕ: čơđai sang hră mơnuih djuai ƀiă, ƀing ƀu klă drơi jăn, sang anŏ ƀun rin, giăm ƀun rin; čơđai ƀu hơmâo anih čem rông ba, ană bă tơhan djai pơsăn drơi, tơhan rơka rơkač blah ngă djơ̆ boh phao hăng tơhan duăm ruă laih anun hơdôm khul mơnuih pơkŏn lăp djru ba. Jơlan hơdră anai, dưi ngă tui mơ̆ng thun hrăm 2026-2027 truh abih thun hrăm 2028-2029. Mơ̆ng thun hrăm 2029-2030 lĕ, bruă brơi apah hơdrôm hră hrăm tal anai, amra ngă tui jơlan hơdră hrŏm pơkŏn dơ̆ng mơ̆ng gơnong dlông pơtrun.